جاۋاب:
توغرا ئەمەس. چۈنكى «خىزمەت يار بەرمەيدۇ دەپ كۈندە بىر ۋاخ ناماز ئوقۇساممۇ بولىدۇ» دېگۈچىلەرنىڭ ئۇ سۆزلىرىنىڭ تەرجىمىسى: «مەن دىنغا بويسۇنمايمەن، دىن ماڭا بويسۇنىدۇ» دېگەن بولىدۇ. شۇنىڭ ئۈچۈن ئۇنداقلارنىڭ دەرھال تەۋبە قىلىپ، كۈندە بەش ۋاقىت ناماز ئوقۇشى لازىم. چۈنكى بەش ۋاقىت ناماز، ئاللاھ تەئالا تەرىپىدىن ھېچبىر ئىشقا توسالغۇ بولمايدىغان شەكىلدە، ۋاقىتلارغا بۆلۈنۈپ پەرز قىلىنغان ۋە بۇ نامازلارنىڭ ئۆز ۋاقتىدا ئادا قىلىنىشى ئۈچۈن ھەر تۈرلۈك ئاسانلىقلار يولغا قويۇلغان. ناماز بىلەن مۇناسىۋەتلىك ئايەت – ھەدىسلەرگە ئەقىل كۆزى بىلەن قارىغان ھەر كىم بۇنى ئۇبدان بىلىدۇ.
