ئەسسەلامۇ ئەلەيكۇم
ئىنساننىڭ چىن قەلبىنى، ئۇ قەلبنىڭ ياراتقۇچىسىدىن باشقا ھېچكىم چۈشەنمەيدۇ. بۇنىڭغا ئىشىنىشىڭىز ۋە ئېرىڭىزنىڭ قەلبىڭىزدىكىنى چۈشىنىشىگە ساقلاپ تۇرماي ئۇنىڭغا توغرا مۇئامىلىڭىزنى داۋاملاشتۇرۇۋېرىشىڭىز كېرەك.
سىز بەلكىدە ئىشنىڭ بېشىدا ئېرىڭىزنىڭ دىن ـ دىيانەتلىك ئىكەنلىكىنى ئاساس قىلمىغان بولۇشىڭىز مۇمكىن، ھازىر ئاللاھنىڭ بۇيرۇقلىرىنى ئادا قىلمايدىغان بىر ئايال بولۇشىڭىزمۇ مۇمكىن. بېشىڭىزغا كەلگەن بۇ خاپىلىقلار شۇ سەۋەبتىن كەلگەن بولۇشى مۇمكىن. چۈنكى ئاللاھ تەئالا مۇنداق دەيدۇ:
«سىلەرگە (يەنى جېنىڭلار ياكى مېلىڭلارغا) ھەرقانداق بىر مۇسىبەت يەتسە، ئۇ سىلەرنىڭ قىلغان گۇناھىڭلار تۈپەيلىدىن كەلگەن بولىدۇ، اﷲ نۇرغۇن گۇناھىڭلارنى ئەپۇ قىلىدۇ (ئەپۇ قىلمايدىغان بولسا، بالا ۋە مۇسىبەتتىن ھېچ قۇتۇلماس ئىدىڭلار)» ـ (شۇرا سۈرىسى 30 ـ ئايەت).
شۇنىڭ ئۈچۈن سىز ئۆزىڭىزنى بىر تەكشۈرۈپ بېقىڭ. ئەگەر ئاللاھتىن يىراقلىشىپ، شەيتانغا يېقىنلىشىپ قالغان بىر ئايال بولسىڭىز دەرھال تەۋبە قىلىپ ئۆزىڭىزنى تۈزىتىڭ. شۇنداق قىلسىڭىز، ئائىلىڭىزدە ھۇزۇر بولىدۇ.
