جاۋاب:
ئالدى بىلەن مۇسۇلمان كىشى ئۆسۈمگە قەتئىي يېىقىنلاشماسلىقى لازىم. شۇنداقتىمۇ بىر جايدىن يەنە بىر جايغا پۇل يۆتكەش، پۇل ئۆيدە تۇرسا ئوغرىدىن قورقۇش … قاتارلىق سەۋەپلەر تۈپەيلىدىن بانكىدا پۇل قويۇشقا مەجبۇر بولۇپ قېلىپ بانكىدا پۇل قويغان بولسا ۋە بۇ پۇلغا ئۆسۈم چىققان بولسا، بۇنى ئالماسلىق جازانىخورغا ياردەملەشكەنلىك بولىدۇ، ئېلىپ ئىشلىتىش جازانە يېگەنلىك بولىدۇ. بۇنداق شارائىتتا ئۇ پۇلنى ئېلىپ ياخشى يوللار (مەسچىت – جامە، پېقىر – مىسكىن، غەرىپ – بىچارە ۋە يېتىم – يېسىر …) غا چىقىم قىلىۋېتىش كېرەك. شۇنداق قىلغاندا ئۇ پۇلنىڭ مەسئۇلىيىتى زىممىمىزدىن چۈشىدۇ.
