جاۋاب:
سىزنىڭ ئىش تېپىشىڭىز ئۈچۈن ئۇلارغا بەرگەن سوغا-سالاملىرىڭىز ۋە پىرسەنلىرىڭىز پارىخورلۇققا كىرمەيدۇ. شۇنىڭ ئۈچۈن ئىشىڭىزنى داۋاملاشتۇرسىڭىز بولىدۇ. چۈنكى ئاللاھ تائالا پاراخورلۇق توغرىسىدا مۇنداق دەيدۇ: «بىر-بىرىڭلارنىڭ ماللىرىنى ناھەق يەۋالماڭلار، بىلىپ تۇرۇپ كىشىلەرنىڭ بىر قىسىم ماللىرىنى زۇلۇم بىلەن يەۋېلىش ئۈچۈن ھاكىملارغا پارا بەرمەڭلار» – (بەقەرە سۈرىسى، 188 – ئايەت).
پارىخورلۇقنىڭ شەكىللىنىشى ئۈچۈن باشقىلارنىڭ مېلىنى زۇلۇم بىلەن يەۋېلىش مەقسەت قىلىنغان بولۇشى لازىم. سىزنىڭ ئىشىڭىزدا بۇنداق مەقسەت يوق. شۇنىڭ ئۈچۈن سىزدىن ئۇ نەرسىلەرنى ئالماي سىزگە ئىش بەرمىگەنلەر گۇناھكار بولىدۇ. سىز گۇناھكار بولمايسىز.
