سۇئال:
بىز شەيتاندىن، ئەسكى كىشىلەردىن ۋە ھەر خىل رەزىللىكلەردىن ئاللاھقا پاناھلىنىمىز، بۇنى چۈشىنىمەن. ئەمما بىز نېمىشقا ئاللاھتىن ئاللاھقا پاناھلىنىمىز؟ بۇنداق دۇئا بارمۇ؟ رەسۇلۇللاھ شۇنداق دۇئا قىلغانمۇ؟
جاۋاب:
شۇنداق، رەسۇلۇللاھنىڭ مۇنداق بىر دۇئاسى بار:
اللَّهُمَّ إِنِّي أَعُوذُ بِرِضَاكَ مِنْ سَخَطِكَ وَأَعُوذُ بِمُعَافَاتِكَ مِنْ عُقُوبَتِكَ وَأَعُوذُ بِكَ مِنْكَ
«ئى ئاللاھ! غەزىپىڭىدىن رازىلىقىڭغا، جازايىڭدىن مەغپىرىتىڭگە ۋە سەندىن ساڭا پاناھلىنىمەن»-(مۇسلىم، «سالات»، 222 (486).
ئاللاھنىڭ بەندىلىرى بولۇش سۈپىتىمىز بىلەن قىلىشقا تىگىشلىك ئىشنى قىلمىغان ۋاقتىمىزدا، قىلساق بولمايدىغان ئىشنى قىلغان ۋاقتىمىزدا ئاللاھنىڭ غەزىپىگە / جازاسىغا لايىق بولىمىز. بىزنى ئاللاھنىڭ بۇ غەزىپىدىن قۇتۇلدۇرالايدىغان ھېچقانداق نەرسە / ئادەم / ماقام يوقتۇر. بۇ ئەھۋالدا پەقەت ئۇنىڭ رەھىم-شەپقىتىگە پاناھلىنىپ، بىزنى مەغپىرەت قىلىشىنى تەلەپ قىلىشتىن باشقا چارىمىز يوق. ئۇنىڭدىن ئۇنىڭغا پاناھلىنىش مۇشۇنداق بولىدۇ.
