جاۋاب:
بۇ ھەقتە ئاللاھ تائالا مۇنداق دەيدۇ: «ئى مۇئمىنلار! ئۆزۈڭلارنى ۋە بالا-چاقاڭلارنى يېقىلغۇسى ئىنسان ۋە تاشلار بولىدىغان ئوتتىن ساقلاڭلار…» – (تەھرىم سۈرىسى، 6 – ئايەت).
بۇ ئايەتكە ۋە مۇناسىۋەتلىك باشقا ئايەت-ھەدىسلەرگە ئاساسەن ئاتىلار بالىلىرى ئۈچۈن ياخشى ئانىلار تاللىشى، ئانىلار بالىلىرى ئۈچۈن ياخشى ئاتىلار تاللىشى يەنى ھەر ئىككىلىسى ئىشنىڭ بېشىدا ياخشى كىشىلەر بىلەن نىكاھلىنىشى، بالا تۇغۇلغاندىن كېيىنلا قۇلاقلىرىغا ئەزان-تەكبىر ئوقۇشى، تۇغۇلۇپ يەتتىنچى كۈنى ئەقىقە بېرىشپ ئىسمىنى قويۇشى، خەتنە قىلىشى، مېھىر-شەپقەت كۆرسىتىشى، بېقىشى، ياخشى تەربىيلىشى، ئەدەپ-ئەخلاق ئۆگىتىشى، ئىسلام تەلىماتلىرىنى ئۆگىتىشى، ناماز ئوقۇشقا كۆندۈرۈشى ۋە ياخشى ئوقۇتۇشى قاتارلىقلارنى قىلىشلىرى كېرەك!
